電影明日戰記後感

因工作關係, 一直都無機會目睹. 最終在NETFLIX上, 終於有機會睇到明日戰記.

整套戲我睇左三次, 第一次廣東話, 第二次英文, 第三次廣東話.

結論, 套戲唔錯, 故事完整, 以科幻動作特技片, 算唔錯, 我真係覺得拍得住荷里活. 真係要抽秤的話, 畫質唔夠高清, 在4K MON睇好濛. 同埋, 最初睇, 我覺得節奏有D慢同埋對白有D位有種講唔出的怪怪地, 我再睇英文對白, 再睇多次中文對白, 明白原來係廣東話本身簡短節奏太快, 而部片去睇英文時會發現英文對白節奏剛剛好, 無遺和感. 個怪感覺係因我地平時唔會好似套戲咁樣講野.

網上評論對這套戲極端, 彈的多數話故事無厘頭, 無深度, 套路古版之類. 咁我又咁講, 作為一個睇開科幻片的人, 我真係覺得真係唔差得過荷里活A級片. 至低限度, 明日戰記個故仔有頭有尾, 正派, 反派, 怪物有齊, 然後打足咁耐. 而有堆所謂荷里活科幻A級片, 可以故仔零散或亂, 無頭無尾, 故弄玄虛, 動作特技又缺, 明日戰記點都好過呢堆, D人只用荷里活科幻經典去同明日戰記比, 用牛䠋來同蚊䠋比, 點比?

至於D人話故仔無深度, 無深度係正常的, 因為明日戰記唔係由經典科幻故事改編, 而係所謂為拍而寫的原創故事. 唔係話原創故事一定無深度, 而係只有一集的原創故事, 世界觀好難有一個好多層次的結構, 好多位只能點到即止, 或輕輕過場就算, 有一些原創經典, 都要在之後套戲紅左, 在之後才補回, 又或拍續集同出小說之類.

基本上, 明日戰記我會推薦, 我評7/10, 廣東話節奏慢左少少同D用語怪怪地扣左分.
但之前有堆人講到唔睇唔係香港人之類的情緒勒索, 就真係無謂, 同有D倒米. 好睇的戲, 係經典, 自然會成經典; 係好睇, 自然會有人去睇. 真係唔需要用情緒勒索, 情緒勒索用得多, 會對身變所有野會麻木, 其實係反效果倒米. 當然, 有班人可能真係倒米, 唔知, 呢個世界太多你估唔到的人.

電影星空浩劫,科學迷必睇

星空浩劫,好睇,極力推薦。
比Interstaller 同 Gravity 真實,著地。
故事,在冷戰時代,1985年,列根的星球大戰計劃時期,USSR的敬禮7號太空站完全失去控制,派人上去維修的真實事件改編。
背景:美國大空站計劃,自1979年Skylab跌回地球後,美國是無太空站在太空。而自1973年後,因為太空經費縮減,絕大部份經費去了研發穿梭機。1975年的阿波羅-聯盟測試計劃為美國同蘇聯兩國太空合作的和平任務,為美國火箭年代最後的有人太空任務,直到1981年穿梭機成功載人太空任務為止。而美國,在此以後就以穿梭機作為類太空站功能,貨倉搭載太空實驗室,以做太空實驗,再拿數據作日後建太空站之用。當然,列根年代星球大戰計劃,增加了對NASA的經費,打算做太空站,但到布殊年代CUT了BUDGET,加上蘇聯解體,於是繼續用蘇聯和平號太空站,直到克林頓年代的國際太空站為止。
而故事入面,美國在當時真的發射挑戰者號,不過為第一次搭載大空實驗室做一星期任務,而且隊員入面有一位華人太空人,為首位華人太空人(中華民國)。
敬禮7號為新一代太空站,有當年最新設備,為之後和平號的先驅。當年蘇聯最引以自豪的系統,就是自動對接系統,有玩過KSP就會知係咩一回事,這個系統,是美國無的,而現時國際太空站對接系統,仍是用這個蘇聯系統。為免失控的太空站落入美國手,就是此事件的開始。
而敬禮7號經典的地方是,片中一開始,個維修任務,包括世界第一位女太空人及女太空人太空漫步做維修。而片中主角,話佢見到天使之後唔畀飛。這個就係出名的其中一個遇到外星人事件。片中話只係主角,其實係全隊人都見到之後全部停飛。片尾見到綠光,亦係暗示這個事件。
同埋,裡面有向整個敬禮計劃犧牲的太空人致敬。

James Bond電影: Skyfall 觀後感

Skyfall 看完, 評價, 以50年紀念電影來說, 此部作品要帶出的訊息是, 大英帝國已經沒落, 英國不能適應所謂新時代, 但仍會以自己的STYLE, 行出自己的路. 即係以後的占士邦不會再是以前的占士邦.
何以見得? 整個主線, 由一系列行動失誤開始, 到MI6系統被入侵被炸, 搬到入二次大戰的BUNKER辦工; M的系統接二連三被HACK; 占士邦各項考核都不合格; 到最後Silva被捉, Q去破解其系統時反被入侵, 都暗示英國對現今高科技落伍, 追不上美國最對科技.
但到最後, 對付Silva的方法, 都是用古舊方式, 還有繞過所謂的程序. 到最後結尾局長間房是傳統英式房間, 而不是現代先進房間, 都暗示了, 英國, 就是英國, 用自己傳統STYLE, 行出自己的路.

全場入面, 最重要的老虎狗, 就是代表了Churchill精神.
(老虎狗在英國是代表Churchill)

而Silva個角色我覺得最得意, Silva原本是H分局的人, 最後尾認為被M出賣, 而去報復.
H分局, 正是香港. Silva因為最初忠於英國, 無招過任何供, 最後選擇食山埃自殺但死不去, 想通後要和M同歸於盡. 而M最後話, 因為Silva去HACK大陸系統, 為了國家利益, 而要去用Silva去和中國交換6個AGENT.

另一個好有意思的場景,Silva被捕後,在MI6囚室,與M一輪對話,似乎生出一絲糸悔意,想得到原諒.在M轉身離去之際,Silva伸手入口內,把假牙托拆出,顯露出他落入強國之手後,被虐待至不成人形的慘樣…….
這個角色真的暗示香港在中英之間的角色,身不由己……

這個如果用H去代香港, M代入英國. 就會和我們香港的情況好似. 有一種英國殖民地情懷, 但英國出賣香港, 正正就是因為英國的所謂國家利益.

而戲一開場亦都有幕, 若占士邦能及時和一個受傷的特工止血, 可能不會死, 但為了國家利益, 就可犠牲任何人, 包括占士邦.

國家利益, 現代, 代表冷漠. 和最終幕, 充滿人性, 溫暖的英國傳統不同, 而英國正需要自己傳統才可再出發.

我覺得是這片想帶的訊息.

片中英國場景多, 又去到SCOTLAND取影, 又有軍艦島, 幾值得看.