電影星空浩劫,科學迷必睇

星空浩劫,好睇,極力推薦。
比Interstaller 同 Gravity 真實,著地。
故事,在冷戰時代,1985年,列根的星球大戰計劃時期,USSR的敬禮7號太空站完全失去控制,派人上去維修的真實事件改編。
背景:美國大空站計劃,自1979年Skylab跌回地球後,美國是無太空站在太空。而自1973年後,因為太空經費縮減,絕大部份經費去了研發穿梭機。1975年的阿波羅-聯盟測試計劃為美國同蘇聯兩國太空合作的和平任務,為美國火箭年代最後的有人太空任務,直到1981年穿梭機成功載人太空任務為止。而美國,在此以後就以穿梭機作為類太空站功能,貨倉搭載太空實驗室,以做太空實驗,再拿數據作日後建太空站之用。當然,列根年代星球大戰計劃,增加了對NASA的經費,打算做太空站,但到布殊年代CUT了BUDGET,加上蘇聯解體,於是繼續用蘇聯和平號太空站,直到克林頓年代的國際太空站為止。
而故事入面,美國在當時真的發射挑戰者號,不過為第一次搭載大空實驗室做一星期任務,而且隊員入面有一位華人太空人,為首位華人太空人(中華民國)。
敬禮7號為新一代太空站,有當年最新設備,為之後和平號的先驅。當年蘇聯最引以自豪的系統,就是自動對接系統,有玩過KSP就會知係咩一回事,這個系統,是美國無的,而現時國際太空站對接系統,仍是用這個蘇聯系統。為免失控的太空站落入美國手,就是此事件的開始。
而敬禮7號經典的地方是,片中一開始,個維修任務,包括世界第一位女太空人及女太空人太空漫步做維修。而片中主角,話佢見到天使之後唔畀飛。這個就係出名的其中一個遇到外星人事件。片中話只係主角,其實係全隊人都見到之後全部停飛。片尾見到綠光,亦係暗示這個事件。
同埋,裡面有向整個敬禮計劃犧牲的太空人致敬。

[ Elite: Dangerous ] Finally I joined the Imperial Cutter Club

I’ve tried to incresae my Imperial rank to Duke to unlock the largest user ship, Imperial Cutter.
Before the 2.4 update, I used to use the Wu Guinagi route to do the data delievery and planet scan takes to increase my rank.
However, I was quite busy and counldn’t get the Duke rank before the 2.4 update. I was at rank Count.
And the Wu Guinagi route had been changed after 2.4 and no longer have the data delievery mission any more.
So I went to system Aditi to do passanger missions as I had a Beluga Liner.
The Aditi route could increase the rank in a fast way and it is a short and profitable route.
However, when I was at rank Marquis 70% to Duke, the auto docking had some problem and my ship crashed with a imperial vessel. It took me got a 7 day bounty of the Aditi systme.
So, I was no longer to stay in the Aditi system to do the passenger missions.
As other CMDRs said they were in the Cubeo system and doing data delievery missions, the I went to the Cubeo system.
But it is harder than the Aditi route to increase the rank. But I made it today finally.




無錯! 香港非常落後, 又如何?

早幾日GOOGLE出份報告話香港落後,原因識科技的人少,識高新科技又會用新科技的人更少,自我感覺良好云云。其實我想問,乜係高科技?UBER?APPLE WATCH?AR?VR?PAYPAL?APPLE PAY?GOOGLE PAY?FACEBOOK?TWITTER?WHATSAPP?TELEGRAM?

真係識科技,這堆野有幾高科技?高科技得過飛機?衛星?火箭?外太空探測船?深海潛艇?粒子加速器?核熔合裝置?生物基因改造工程?

只要個科技不是同醫學、工程科學及工業有關,講唔上高科技。

如果係講生活應用的科技,那些不是高科技,多是幾十年前的技術,多是由太空競賽的技術民用化而來。生活科技,當然以人為本。件產品唔賣得,香港人唔接受,係件產品問題,就唔係話人唔識科技。

筷子夠科學啦,我去歐美賣高科技筷子賣唔到,唔通去屌班鬼佬唔識科學,唔肯試新野用筷子,走去用返刀叉?

要一件科技溶入生活,唔係一時三刻的事,研究客戶的習慣好重要,市場要自己花時間開拓,根本無順風車。

香港衰係一窩風去做潮流興的野,我成日同一些常走來話有新IDEA的客講,這些系統好多人做緊,有乜方法突圍,係要令USER覺得有乜咁重要要留在你的PLATFORM而離開一個有慣性收視的環境,才有用,否則好快收皮。

亞視打左幾十年都打唔低無線慣性收視,香港現有格局下,真係搞得出一個大衛打低哥利亞的東西?

至今做過咁多產品,除了以前OB套系統,就係EDITGRID,係我真係會用而且覺得好用,到現在我都覺得可以再做並值得做的一件產品。

公司都有幾個PROJECT值得再投資去做,但真係無水,無得搞,現在連食都基本上開始出問題。

香港太多人打算食順風車條水,於是一窩風去做同頂爛市。連有錢投資的都係咁,香港邊會有得救?因此我基本上都唔會理香港市場。

香港現有格局,根本不適合做科技,你話我悲觀主議者又好,超級大淡友又好,負能量散播者又好。

[ Elite: Dangerous ] Hong Kong Cavaliers finally won the war and got a station

I discovered a player faction called Hong Kong Cavaliers in system KP Tauri a month ago. As the name of Hong Kong, I’ve tried to do the missions from Hong Kong Cavaliers as much as possible to try to make it to control a station.
After a few weeks, it suddenly started war with Ross 33 Gold Comms Partners, a NPC faction was controlling the system. The war had been last for a week and the Hong Kong Cavaliers won the battle. As a result, Hong Kong Cavaliers finally got a station, Spedding Orbital in KP Tauri. The only station the Cavaliers is controlling. What a great moment!

Thanks all the Cavaliers did the great job.

Hong Kong! Hong Kong! Long live Hong Kong.

讀科學, 不只係讀科學, 更需要讀歷史

在某科學GROUP有條搞笑友不斷質疑地圓說係錯, 而地平說先係對. 真係好搞笑. 個情況同所謂智慧設計假說去挑戰演化論一樣……

我覺得讀科學, 唔可以只係讀科學, 而必需要讀歷史. 因為很多學說, 同理論的證明, 不單只在本科, 好多時係涉及不同學科, 在不同學科的實驗及理論下, 去互相證明下, 才能得到學說同理論.

一個未經驗證下, 只能用假說, 猜想. 而不能稱為學說, 理論. 作為一個學說, 理論, 本身係有一大堆推理, 實驗, 事實去證明.

在人類未上太空前, 點證明世界係球體? 點解人類由相信地球係平, 慢慢會發現事實地球係球體? 這個, 讀歷史, 會知答案.
不少古文明, 在研究影長的時候, 已覺得地球係球體.
但想不到人類如何企在球體底部而作罷.
而當時亦有部份人認為世界係半球體, 赤道, 就係世界邊緣, 過左會有個大爆布直送到地獄.

人類認清地球係球體的事實, 不在天文學, 而係在地理大發現, 世界各國探險家, 在繪畫地圖在世界不同地方測量的數據, 所得出的結論.

而地圓說, 亦能簡單地解釋到探險家在世界各地發現的現像, 如六分儀可在南半球用, 北極同南極地區有6個月無日落, 有6個月的黑夜. 赤道無四季. 亦加強了人類對時間的觀念, 發明準確時鐘. 因為要準確度緯度, 需要一個準確時鐘在海上知道出發地時間.

當時, 人類仍未解決到點解人類可以企在球體底部. 不過迪亞士發現好望角時仍企在地上, 當時的人覺得, 地下有吸力, 所以先企到.

去到牛頓年代, 才知地下有吸力的係萬有引力. 牛頓發現的, 係萬有引力的原理, 可以用數學計算到力係點運作, 引力係同MASS有關.

由地心說到日心說, 亦係由不同的天文觀察先著手, 之後係望遠望的發明, 天文觀察數據愈來愈準, 開始發現地心說解釋不到的天文現像, 日心說可簡單解決, 去到牛頓年代, 已清楚解釋到日心說, 同時, 大量天文學家可用牛頓的理論, 準確預測到天文現像, 成為學說.

大陸漂移學說, 原本只係假說, 當年的假說, 係因為各大陸的邊相似, 可以合拼做同一大陸, 但變成學說, 要去到發現海底有海溝, 大西洋有中洋脊, 美國在海底放探測器發現中洋脊會生長令大西洋愈來愈闊. 而量子的發展, 令到放射性同位素的測量愈來愈精確, 去修正地層的地質年齡, 從而由各大陸地質地層分佈的事實, 去證明大陸漂移學說係正確. 而大陸漂移學說, 亦解釋造山運動的原理, 太平洋火環火山同地震型成, 全部解通.

演化論一樣, 由本身不同文明都相信人類係由天神制造, 到演化論確立成理論, 個阻力, 不比地心說地平說細. 達爾文演化論時, 未有遺傳學, 單靠化石, 同在不同地方觀察相同物種的異化情況, 而確立到演化論, 係相當厲害. 當然, 那個年代, 科學發展未成熟, 各個學科仍在初步發展階段, 爭議當然大. 但演化論今日能確立, 係不同學科互相助證的結果. 遺傳學功勞非常大, 加上地質學在物理學同工程學的發展, 能準確測量多種放射性同位素, 確實到地層年及化石年齡, 加強了古生物學的基礎, DNA的發現, 機率理論, 計算機科學, 細菌學, 植物學, 農業(動物同植物的配種) 這些不同學科, 加強了演化論的證據, 成為今日生物學的基礎. 無演化論, 今日醫學不會發達, 因我們不會明白疫苗同細菌病毒演化的原理.

而今日地平假說, 智慧設計假說之類提出的所謂證據, 根本不足以推反今日的科學理論, 只不過係一些小問題, 而這些小問題, 在更完善今日科學理論的模型.

不過, 今日社會偽科學橫行, 人類應好快滅亡.
外星人不需要到地球消滅人類, 因為人類會消滅自己.
外星人亦不會來幫人類, 因為人類太白痴, 救返都係會消滅自己.

補充: 演化論, 只係解釋到點解地球今日有咁多物種, 係由一個共同祖先演化出來.
但無解釋, 這個共同祖先係點樣出來. DNA, RNA等點樣在自然界合成, 至今日都係未有解. 這同霍金個理論一樣, 只係完善到大爆炸理論, 大爆炸之後的模型. 點解會有大爆炸, 至今日都未有解.

HKOSCON 2017

今年HKOSCON, 我這個SMALL POTATO基本上無INVOLVED過.
做一個完全旁觀者, 守住HKLUG的BOOTH. 當然, 守BOOTH, 係我今年HKOSCON的工作, 所以完全無聽過任何TALK.
(咁多年來的HKOSCON, 我只係聽過第一年電鋸個TALK之外, 歷年都未聽過任何TALK……)
頭先開會, 我亦無畀任何意見, 一言九鼎.

先講今年感覺, 應是最好的一年.
1. 人手充足
2. 有足夠飲料. 尤其有大量COFFEE, 亦有2間飲品SPONSER
3. 有水機, 雖水機位感覺太多HELPER, 不過又咁講, 無這些HELPER幫手的話, 我係無機會去厠所.
4. 今年直播至少無問題, 希望VIDEO亦無問題. 如無問題, 咁就SOLVED到歷年無片的問題(第一年除外)
5. 影相的人手亦非常足充, 解決了年年唔夠相問題.

問題:
1. NETWORK
2. 同歷年一樣, 年年都有SPEAKER同BOOTH被冷待. 這個係我由第二年開始所發現的問題. 所以第三年我一有時間, 就會同一些感覺好迷惑的SPEAKER或無人的BOOTH吹水. 結果畀人話我只吹水唔做野, 這個係我最怒的地方, 作為東道主, 人家坐幾到十幾小時飛機到香港, 除非人家講明不想我們打擾, 否則, 都要同佢地吹水, 同介紹相關香港在場的DEVELOPER識, 這個才是佢地點都要來香港交流的目的. 點知畀人話我唔做野, 個年我做到散晒….. 今年終於有人發現, 有一些外國SPEAKER ON99需要有人理……………..
3. 由於星期五早上安排, 係全部人入HALL, 因此BOOTH AREA係無人, 此舉, 令到一些有BOOTH的SPONSER, 被嚇到覺得今年會無人. 這個需要解決.
4. BOOTH AREA的ANOUNCEMENT 不足, 基本上, 唔自己睇錶同TIMETABLE, 係唔知發生乜事, 如LUNCH, 或結尾需全員入HALL等.

隱憂:
1. 人手. 今年大量HELPER, 要錢, 若全義工的話, 重會有幾多?
一間房, 理論上要三個人. 為何三個人? 這是歷年來得出的經驗.
a. 要有人知SPEAKER乜水, 出去搵SPEAKER. 因此點解網頁要有SPEAKER張相, 其實係用來畀我們認樣用.
b. 換場設備支援
c. 需要休息時間有替身.
今年係最多HELPER的一年, 我非常滿意. 中間個別有小問題, 完全不是問題, 在我立場完全可以接受. 始終, 係community活動.
我反而擔心的係, 減BUDGET, 或無錢的話, 出年叫唔叫到咁多人來.

2. speaker on99無人理問題, 有機會令到其他SPEAKER唔來, 或會有更多考慮才會來. 這個我在日本, 台灣, 大陸的CONFERENCE都發現有同樣問題. 這個我們必需要解決的問題.

總結及展望:
基本上, CONFERENCE 的目的, 係聚舊, 大家傾下最近搞D乜, 同有乜新野玩緊. 另外, 若請到外國的SPEAKER, 可以介紹下香港有乜DEVELOPER, 大家可互相介紹認識一下, 話唔定有新IDEA或PROJECT可大家一齊玩下. 這個更能令國際的COMMUNITY同香港的有更緊密的交流.
至於BUSINESE那邊, 橋就係當然搵SPONSER, 佢地賣佢地的野, 但我更希望, 那堆公司更能知道香港其實有乜DEVELOPER同做乜, 而唔係只SELL佢地的野. 基本上, 要佢地知我們個COMMUNITY文化, 先SELL到野. 這個MYSQL做得算唔錯, IBM都開始睇落似似地樣. 但其他高科技公司就……..

英國讀書過程

我相信無人比我去英國讀書的過程更離奇. 相信不少人打算去海外讀書, 早已有計劃, 一早找中介之類幫手搵學校. 但我完全無中介, 完全靠自己.
當年, 我本身打算在香港讀, 衰高考的話就會入HIGH DIP, 無想過去外國讀. 雖在中六時有想過考GCSE, 去過考試局買PASTPAPER睇, 但見個課程同香港有不同, 無信心開兩邊戰線唔夠膽報, 所以疊埋心水在香港算.
但去到中七時家人話當買保險試下, 當時我一直都在BRITISH COUNCIL讀英文, 所以就去BRITISH COUNCIL個網上面查查要去英國報讀大學要點做, 知道有個叫UCAS的聯招去報, 於是去BRITISH COUNCIL拿FORM填同郵寄去英國.
成功報到名後, 英國方面會郵寄另一份FORM來, 要選學校, 第一輪要選5間, 第二輪再在其中選2間. 當年個INTERNET無現在咁先進, 當年只有YAHOO, 同個SEARCH廢廢地, 當時又唔知英國其實有什麼學校可選.
好在當年公共圖書館有一本BRITISH COUNCIL出的全英學校大全可以借, 基本上, 就係只靠那本書, 同書上面的網址, 去找大學. 由於有親戚住倫敦, 基本上我找的大學以倫敦為主.
但在英國, 當年會開COMPUTER SCIENCE的大學不是很多, 而親戚建議, 最好找紅磚大學, 所以有三間係倫敦大學牌頭, KINGS, IC同QM, 之後係新派理工大學, CITY同UMIST, 都係求其選, 因為本身無想過.
之後係收到KINGS, CITY同QM CONDITIONAL OFFER, 但KINGS要AL有A, 我估我不會拿到, 所以第二輪選CITY同QM. 佢地要我考IELTS, 所以又求其去考IELTS好彩拿到個6.
到考完HKAL, 放埋榜, 一收到成績2科主科肥佬基本上疊埋心水報IVE. 之後寄埋HKAL成績去英國, 無想過在8月中收到UCAS封信, 話QM收我, 之後打長途電話去英國問, 係真唔係呀去確定. 再過多幾日, 收到QM的正式OFFER信.
個問題係, 由於無準備過, 基本上, 要準備乜完全唔知, 好在當年8月尾有英國教育展, 於是走去聽下要準備D乜. 與此同時, 由於BNO過期, 於是臨急去金鐘英國領事館搞快證, 才發現, 原來當年本5年期係可免費換本新的.
個英國教育展有D野有用, 不過大部份都無用, 而且HSBC開海外戶口要排期, 搞唔切, 於是叫銀行寫信擔保可讀3年, 就臨急在9月7日飛去英國, 打算去到先算, 結果都幾麻煩……
由於我有肺結核, 當時剛完療程, 所謂醫好, 但不知要拿醫生信比英國海關, 結果我入境時搞了我一輪. 英國入境, 長期居留, 當年海關係要即時照肺片, 以防TB. 我在打了三年學生印後, 排大隊照肺, 照完之後就的左我入房問話……
而開戶口, 當年英國HSBC條友唔識睇信, UCAS封信上面, 寫住CITY無OFFER, QM有OFFER, 而我又有QM學校信話我有OFFER, 但HSBC個BANKER話, 因為CITY無OFFER, 所以唔開得戶口. 我一路都係話QM有OFFER, 唔係CITY, 而個BANKER唔開戶口理由係因為CITY無OFFER, 最後要親戚擔保先開到一個無利息收的CURRENT ACCOUNT.
所以HSBC真係環球金融地踎智慧, 由此開始好憎HSBC. 所以我YEAR 2去開NETWEST, 才有學生戶口有利息同有信用卡……

是否需要有園區才能搞高科技?

搞科技, 有無需要園區這樣野, 其實要好睇搞乜野. 有當然好過無, 但有園區唔代表搞得到科技, 但無, 有D科技野係搞唔到.

一個產業, 點解會集中在一個地區? 這個不只係傳統行業現像, 高科技工業, 甚至軟件業都係一樣. 否則, 在網絡通訊發達的今日, 為何美國的科技產業會集中在矽谷?

集中在一個區的原因, 係因為產業鏈. 講返香港, 傳統製衣業集中在長沙灣, 膠廠集中在新蒲崗, 五金鐘錶在官塘, 電子廠在葵涌. 而在深水埗鴨記做電子零件批發, 大角咀新填地五金, 布去汝洲街, 木去南昌街, 等等. 集中原因, 因為配套, 交通方便, 行家買貨借貨都容易. 重有融資, 會計, 法律之類. 所以山卡啦地方, 產業配套唔齊好難搞得起.

這個, 在中四地理有講.

而高新科技, 有無需要園區? 其實係有, 園區配套齊, 係對所有園區的公司有幫助的. 而且, 在管理, 環保, 排污等問題上, 更易集中處理. 如要搞生物科技, 廢料要怎處理? 做精鋼, 冶金, 電子, 太空科技等, 廢氣, 污水, 甚至輻射廢料要怎處理? 一個真正搞科技的園區, 係有配套去解決問題. 至少, 若配套足, 實驗室, 工具, 機器, 可以互相借用, 可減少不少重覆開支. 相同公司, 有單做唔切可以互射單. 相輔相成.

至於香港所謂的園區, 到現時為止能否真的做到有足夠配套? 至少我覺得未夠. 要CABLE無CABLE, 要MON無MON, 要USB無USB, 要HD無HD, 要MOUSE無MOUSE, 要KEYBOARD無KEYBOARD, 衰起上來壞機, 要坐成個鐘車出去買. 另外, 裡面的公司能否做到互相補足? 單能否互射? 我現時為止不覺得這方面做到, 我要搵UI人, 好難搵. 要搵FN人, 好難搵. 我想搵一D可以FIT我們SOLUTION的IOT公司, 又無喎, 因為大多只做自己產品, 又要自己一條龍做系統平台, 要做平台的亦不會找到我們. 總之好多公司錯配, 咁點會吸到人, 點會搞到新野? 個個都在REINVENT THE WHEEL. 數碼港好少少, 至少有郵局. 科學園更仆街, 連郵局都無, 點寄野?

香港D園區, 所謂配套, 得談笑. 以為四周有COFFEE SHOP就可以搞到高科技. 與其靠人, 不如靠自己.

午夜夢廻: 夜觀銀河

話說不同的朋友在Facebook上,不約而同地在這幾日內,post銀河的照片,真是有趣。(有趣在不知何解同時在這時候post ,可能上天有諭示。因現時不是銀河最美的時候,銀河最美的時候是在夏天,因為地球在夏天晚上大部分時間是對著銀河中心,所以有七夕)令我想起小時候,夢想是做一位天文學家。我的天文學知識,是在圖書館的科學書看回來的。

有一套兒童科學叢書,是我的啟蒙老師,該叢書是科普讀物,當時尤好天文、物理同地球科學,在小學時已熟讀,之後就去看成人圖書館的天文物理同地球科學的書。當時的理科知識,夠我整個中學甚至大學用,但當年中學讀書考試,問題在我跨不過英文這難關,因此在日後由於成績關係,已不敢再想天文學⋯⋯

Continue reading “午夜夢廻: 夜觀銀河”